Reseıden ákelingen avtokólik: Atyraýda Sall center-ge 200-den astam saýal túsken
ATYRAÝ. QazAqparat – Atyraýda Reseıden ákelingen avtokólikter úshin ashylǵan arnaıy Sall center-ge 200-den astam saýal túsken, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, 10 qarashada Call center ashylyp, baılanys nómirleri iske qosylǵan.
«Atyraýla ashylǵan arnaıy baılanys nómirlerine kólikteri Reseı Federatsııasynda tirkeýde turǵan atyraýlyq turǵyndar tarapynan 201 suraq tústi. Saýaldyń 92-si avtokóliktiń Reseı Federatsııasynda tirkeýde bar-joǵyn anyqtaýǵa qatysty boldy. Al, 10 saýal esh jerde tirkeýde bolmaǵan jaǵdaıda qoldanylatyn jaýapkershilik sharalary men aıyppuldary týraly aqparattardy bilý úshin joldanǵan. Sondaı-aq, turǵyndardan Reseı elinen ákelingen avtokóligin Qazaqstanda tirkeý úshin qajetti qujattar men is-sharalar jóninde 37 suraq berildi. Arnaıy avtoturaqqa qoıylǵan avtokólikti shyǵarý, qandaı kólikterdi tirkeýge bolady jáne qansha merzimge sozylady degen suraqtar da qabyldanyp, tıisti jaýaptary joldanýda» -dep habarlady departamenttiń baspasóz qyzmeti.
Eske sala ketelik, buǵan deıin Atyraý oblysyna Reseıden 100-den astam kólik jalǵan qujatpen ákelingenin jazǵan bolatynbyz.
