Reseıden 8 vagon bıdaı ákele jatqandar ustalyp, astyq keri qaıtaryldy
ASTANA. KAZINFORM - Reseıden Qazaqstanǵa 8 vagon bıdaı ákele jatqandar ustaldy. Іshkń naryqty qorǵaý úshin elimizge syrttan astyq kirgizýge shekteý qoıylǵan.
Bıylǵy 11-12 qyrkúıekte Reseı Federatsııasymen shekarada ornalasqan Batys Qazaqstan oblysynyń Temir jol fıtosanıtarııalyq baqylaý beketinen 8 vagon bıdaı tabylyp, Reseı Federatsııasyna qaıtaryldy.
526 tonna astyqty Saratov jáne Týla oblystarynan Shymkent qalasyna ákele jatqan.
Bul jumysty ósimdikter karantıni jónindegi memlekettik ınspektorlar "Jaıyq" shekaralyq baqylaý bólimshesiniń áskerı qyzmetshilerimen birlesip júrgizedi.
Esterińizge sala keteıik, ishki naryqty qorǵaý jáne astyqty keri eksporttaý faktilerin boldyrmas úshin 2024 jylǵy 26 shildede syrtqy saýda saıasaty jáne Halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń otyrysynda tranzıtti qospaǵanda, úshinshi elderden jáne EAEO elderinen Qazaqstan aýmaǵyna kóliktiń barlyq túrlerimen bıdaı ákelýge tyıym salynǵan bolatyn.
