Reseıden 4 jolbarys Qazaqstanǵa qashan jetkiziletini belgili boldy
ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev Jolbarysty qaıta jersindirý baǵdarlamasyn júzege asyrýǵa qatysty túsinik berdi.
— Reseı Federatsııasymen ýaǵdalastyq boıynsha bıyl sáýirdiń aıaǵynda nemese mamyr aıynyń basynda 4 jolbarysty Qazaqstanǵa ákelýdi josparlanyp otyrmyz, — dedi Erlan Nysanbaev Parlament Májilisinde tilshiler suraǵyna jaýap bere otyryp.
Osy oraıda ol bul baǵyttaǵy jumystar Turan jolbarysyn tabıǵatqa qaıtarý úshin yqpal etetinin atap ótti.
Eske salsaq, Amýr jolbarysyn Qazaqstan tabıǵatyna beıimdeý jospary qabyldandy.
Buǵan deıin Ekologııa jáne tabıǵı resýrstar mınıstri Erlan Nysanbaev Úkimet otyrysynan keıin ótken baspasóz máslıhatynda Turan jolbarysynyń popýlıatsııasyn qalpyna keltirý jumystary qalaı júrip jatqanyn aıtty.
