Reseıdegi jumysshylardyń jappaı tóbelesine Qazaqstan azamattary da qatysqan
ASTANA. QazAqparat - Reseıdegi jappaı tóbeleske Qazaqstan azamattary da qatysqan. Bul týraly QR ІІM resmı ókili Almas Sadýbaev aıtty, dep habarlaıdy QazAqparat tilshisi.
«Vıdeodaǵy oqıǵa osy jyldyń 22 qarashasynda Reseı aýmaǵyndaǵy Amýr oblysynda salynyp jatqan gaz óńdeıtin zaýyttyń qurylysynda oryn alǵan. Jumysshylardyń jappaı tóbelesine Tájikstan azamattary jəne bizdiń otandastarymyz da qatysqan. Jergilikti quqyq qorǵaý organdary mən-jaıdy anyqtap jatyr. Kinəlilerdiń barlyǵy anyqtalǵan», - dedi Almas Sadýbaev.
