Reseıdegi jol apatynyń mán-jaıyn anyqtaýǵa Qazaqstan konsýly kómektesip jatyr
ASTANA. QazAqparat - QR Syrtqy ister mınıstrligi Reseıdiń Saratov oblysyndaǵy qazaqstandyq jolaýshylar avtobýsynyń apaty jóninde pikir bildirdi, dep habarlaıdy QazAqparat.
«Qazaqstannyń Astraxandaǵy konsýly Qanat Shekqalıev bul oqıǵa boıynsha jedel túrde jergilikti bılikpen baılanysqa shyǵyp, apattyń mán-jaǵdaıyn anyqtap jatyr. Bastapqy málimet boıynsha, avtobýsta barlyǵy 7 adam bolǵan. Onyń beseýi qaza tapty, olardyń barlyǵy - Ózbekstan azamattary. Avtobýs júrgizýshisi men onyń kómekshisi - Qazaqstan azamattary. Olar tiri, jaǵdaılary aýyr, aýrýxanaǵa jetkizildi», - dep jaýap berdi QR SІM resmı ókili Aıbek Smadııarov QazAqparat tilshisine.
Aıta keteıik, búgin RF Saratov oblysynyń Ozınskıı aýdanyndaǵy temir jol ótpesinde «Saratov-Oral» reıstik avtobýsy júk poıyzymen soqtyǵysty.
Foto: nversia.ru
