Reseıdegi jarystardyń birinde jasóspirim boksshy qaıtys boldy
ASTANA. QazAqparat - Reseıdiń Vladımır oblysyna qarasty tergeý basqarmasynyń ókilderi jeksenbi kúni bokstan ótip jatqan jarysqa qatysqan 15 jasar boksshynyń ólimine qatysty qylmystyq is qozǵalǵandyǵyn aıtty, dep habarlaıdy utro.ru saıty.
Olımpıada rezerviniń arnaıy mamandandyrylǵan balalar men jasóspirimder sport mektebiniń oqýshysy ózge sportshylarmen birge 2016 jyldyń 3-qarashasy kúni ótýi tıis jarysqa jiberilgen. Jarystyń úshinshi kúninde jasóspirim boksshy eki ret nokdaýan alǵan. Osy sátte saıys toqtatylyp, bala dirildep aýyra bastaıdy. Oǵan kómekke kelgen dárigerler de eshteńe isteı almady. Bala reanomobılde ketip bara jatyp kóz jumdy.
Qazirgi tańda quqyq qorǵaý organdary (óziniń mándetin durys atqarmaýdyń saldarynan baıqaýsyzda adam óltirdi) degen bappen qylmystyq is qozǵady.
Quqyq qorǵaý qyzmetkerleriniń aıtýynsha, bala osydan birneshe jyl buryn aýyr jaraqat alǵan. Odan keıin jasóspirimniń ómiri jiti qadaǵalaýda bolýy qajet edi.
