Reseıdegi týrnırde Barys Metallýrgke ese jiberdi

NUR-SULTAN. QazAqparat - Elordalyq «Barys» shaıbaly hokkeıden Chelıabınsk oblysy gýbernatorynyń kýbogyndaǵy úshinshi oıynyn ótkizdi, dep habarlaıdy QazAqparat tilshisi.

Bul joly qazaqstandyq klýb Reseıdiń «Metallýrg» (Magnıtogorsk) komandasymen kezdesti.

Oıyn barysynda eki komanda birinshi kezeńde gol soǵatyn múmkindikti izdedi. Degenmen kóptegen múmkindikti múlt jiberip aldy. Nátıjesinde birinshi kezeńde esep ashylǵan joq.

Ekinshi kezeńdi reseılik hokkeıshiler qarqyndy bastady. Oıynnyń 21-mınýtynda Denıs Zernov «Metallýrgty» alǵa shyǵardy. Oǵan 26-mınýtta «Barys» hokkeıshisi Entonı Lýıs bir golmen jaýap qaıyrdy.

Al 27-mınýtta Maksım Karpov qaıtadan «Metallýrgtyń» basymdyǵyn arttyrsa, 29- mınýtta qazaqstandyq klýbtan Arkadıı Shestakov tarazy basyn teńestirdi.

Oıynnyń 38-mınýtynda reseılik klýbtan Djosh Kerrı mergendik tanytty. Al 43-mınýtta Danıla ıÝrov esepti ústemeleı tússe, oıynnyń bitýine sanaýly sekýnd qalǵanda ekinshi shaıbasyn soqty.

Osylaısha «Barys» qarsylasyna 2:5 esebimen ese jiberdi.

Týrnır jeńimpazy «Traktor» (Chelıabınsk) jáne «Avtomobılıst» (Ekaterınbýrg) komandalary arasyndaǵy kezdesýden keıin belgili bolady.

Aıta ketsek, budan buryn «Barys» «Avtomobılıst» (Ekaterınbýrg) komandasynan basym túsken bolatyn.

Sondaı-aq, ekinshi kezdesýinde «Traktor» (Chelıabınsk) qarsylasyna ese jiberdi .

Endi elordalyq klýb Qurlyqtyq hokkeı lıgasyndaǵy oıyndaryn bastaıdy. Alǵashqy kezdesýin 3 qyrkúıekte Belarýste «Dınamo» (Mınsk) komandasyna qarsy ótkizedi.

Foto: press-slýjby HK «Barys»