Reseıdegi Túmen oblysynyń qazaqtary QR Prezıdentin týǵan kúnimen quttyqtady
ALMATY. QazAqparat - Reseıdiń Túmen oblysyndaǵy otandastarymyz QR Prezıdenti Nursultan Nazarbaevty týǵan kúnimen quttyqtady. Bul týraly QazAqparatqa Dúnıejúzilik qazaqtar qaýymdastyǵynan habarlady.
«Búginde búkil álemniń qazaqtary bolashaqqa úlken senimmen qaraıdy. Biz, Túmen oblysynyń qazaqtary da muny asa rızashylyqpen sezinip otyrmyz ári maqtanysh tutamyz. Óıtkeni bizdiń tarıhı otanymyz júz jyl buryn ata-babalarymyz Shyǵys pen Batysty biriktirgendeı qanatyn keń jaıdy jáne adamzatqa tatý kórshilik, gýmanızm negizinde halyqty biriktire alatyn jańa balama jobany usynýǵa daıyn», - delingen «Túmen oblysy qazaqtarynyń ulttyq-mádenı avtonomııasy» QB basshysy Esenǵalı Ibraev qol qoıǵan hatta.
Hat avtorlarynyń sózderine qaraǵanda, barlyq ýaqytta da halyq óz ortasyndaǵy jeke tulǵalardyń arqasynda alǵa jyljyp otyrǵan. Óz halqynyń tarıhyn onyń qaharmandary jasaǵan. Álemniń barsha qazaqtary úshin mundaı Qaharman Nursultan Nazarbaev bolyp tabylady. «Tarıhtyń kúrdeli kezeńinde, ata-babalarymyzdyń mádenı jáne rýhanı qundylyqtaryn joǵaltý máselesi ýshyqqanda, qazaqtar týǵan jerinde azshylyqqa ushyraǵanda halyqtyń kóshbasshysy bolý Sizge buıyrdy. Siz Qazaqstandy alǵa jetelep, qolda bardy saqtap, ony eselep, Sizge amanat etip qaldyrylǵan halyqtyń abyroıyn asqaqtata kóterdińiz», - dep jazady túmendik qazaqtar.
