Reseıdegi tabıǵı órtten 7 adam mert bolyp, 17-si zardap shekti

MÁSKEÝ. QazAqparat – Senbi kúni órt Krasnoıar ólkesiniń jıyrma shaqty eldi mekenin qamtydy. Onyń shyǵýyna elektr jelileriniń úzilýi, qysqa tuıyqtalý jáne otty abaısyz paıdalaný sebep bolǵan, dep habarlaıdy QazAqparat TASS-qa silteme jasap.

Órttiń qatty órshýine ekpindi jel yqpal etken. Jeldiń jyldamdyǵy sekýndyna 40 metrge jetken.

«Órt saldarynan 7 adam qaza tapty, 17-si zardap shekti. Onyń 14-i aýrýhanaǵa túsken. Barlyq órt aýyzdyqtaldy. Bul degenimiz órttiń ári qaraı damýyna qaýip joq. Ólkeniń 13 mýnıtsıpaldyq aýdanynda órt sóndirý jalǵasyp jatyr», - dedi Reseı TJM-nen.

Krasnoıar ólkesinde órtten zaqymdalǵan ǵımarattardyń jartysynan astamy turǵyn úıler. Barlyǵy 484 ǵımarat zardap shekti. Órtti 814 adam sóndirip jatyr, 294 tehnıka tartyldy.