Reseıdegi shahta jarylysynyń sebebi aıtyldy

MÁSKEÝ. TASS – QazAqparat – Kemerov oblysy «Lıstvıajnaıa» shahtasyndaǵy jarylys metannyń atylýy saldarynan bolýy múmkin. Bul týraly senbi kúni TASS quqyq qorǵaý organdaryndaǵy derekkózge silteme jasap jazdy, dep habarlaıdy QazAqparat.

«Aldyn ala málimet boıynsha, kenetten metan atylyp, keıin jarylys bolǵan. Biraq, onyń nelikten atylǵany belgisiz. Qazir jaýapty jáne tergeý organdary osyny anyqtap jatyr», - dedi agenttik derekkózi.

Sondaı-aq, ol shahtadaǵy metanǵa jaýap beretin qurylǵynyń jumysy zerttelip jatqanyn aıtty.
«Qazir ony da anyqtap jatyr», - dep atap ótti derekkóz.
Eske sala ketsek, buǵan deıin Reseıdegi «Lıstvıajnaıa» shahtasyndaǵy jarylystan aman qalǵan eshkim joq ekenin jazǵan bolatynbyz. Óndiristik apat saldarynan qaza bolǵandardyń jalpy sany alty taý-ken qutqarýshysyn qosa alǵanda, 52 adamdy qurady.