Reseıdegi saılaý ýchaskesinde alǵashqy eki saǵattyń ishinde saılaýshylardyń shırek bóligi daýys berdi
KEÝ. 3 sáýir. QazAqparat /Narymbek Ysmaǵulov/ - Saılaý ýchaskesiniń tóraǵasy Mıhaıl Lıtvınovtyń aıtýynsha, Reseıdegi №143-shi saılaý ýchaskesinde 1700 saılaýshy tirkelgen.
«Biraq ta, issaparmen kelgenderdiń esebinen, buz tizim keńeıip otyr. Reseı Federatsııasyndaǵy saılaý ýchaskesinde búgin 1800-den astam daýys beredi dep kútilýde», - deıdi M.Lıtvınov.
Onyń aıtýynsha, saılaýshylardyń negizin - 900-ge jýyq adamdy Reseıde bilim alyp jatqan stýdentter men kýrsanttar qurap otyr. Oǵan qosa, daýys berýge dıplomattar men olardyń otbasy músheleri, otandyq kompanııalar men mekemelerdiń ókilderi, taǵlymdamadan ótýge jáne biliktiligin kóterýge kelgen ofıtserler bar.
«Búgin jergilikti ýaqyt saǵat 9.00-daǵy jaǵdaı boıynsha 350-den astam, ıaǵnı saılaýshylardyń shırek bóligi daýys berip boldy», - dedi M.Lıtvınov.
Saılaý ýchaskesi tóraǵasynyń aıtýynsha, bıyl Reseıde daýys berý úshin bir ǵana ýchaske ashylǵan, biraq Sankt-Peterborda qazaqstandyq azamattardyń kóptigi eskerilip, ol qalada tasymaldanýshy jáshik uıymdastyrylǵan. Aldyn ala derekter boıynsha, Peterborda 400-deı adam daýys beredi.
