Reseıdegi saılaý ýchaskelerinde 3015 qazaqstandyq daýys berdi

MÁSKEÝ. QazAqparat - Qazaqstan Respýblıkasynyń Reseı Federatsııasyndaǵy dıplomatııalyq ókildikterinde ashylǵan saılaý ýchaskelerinde QR prezıdenttigine kandıdattar úshin daýys berý aıaqtaldy. Óz tańdaý quqyǵyn barlyǵy 3015 qazaqstandyq paıdalandy, dep habarlaıdy «QazAqparat» HAA menshikti tilshisi QR-dyń RF-daǵy elshiligine silteme jasap.

Elshilik málimetine sáıkes, Qazaqstannyń Reseıdegi elshiliginde ashylǵan №265 saılaý ýchaskesinde 1477 qazaqstandyq daýys berdi.

Sondaı-aq Sankt-Peterbýrgtegi №290 saılaý ýchaskesinde - 862, Omskidegi №292 ýchaskede - 363, Astarahandaǵy №291 ýchaskede - 209 jáne Qazan qalasynda jumys istegen saılaý ýchaskesinde 104 adam daýys berdi.

"Qazaqstannyń dıplomatııalyq ókildikteri janynda ashylǵan 5 saılaý ýchaskesinde, ıaǵnı Máskeý, Sankt-Peterbýrg, Qazan, Astrahan jáne Omskide barlyǵy 3015 qazaqstandyq óz kandıdattary úshin daýys berdi", - delingen aqparatta.