Reseıdegi órt sóndirý-qutqarý sporty boıynsha jarysta Qazaqstan quramasy III orynǵa ıe boldy
ASTANA. QazAqparat - Órt sóndirý-qutqarý sporty boıynsha QR erler jáne áıelder ulttyq quramalary «Dostyq» Kýbogi men «Zolotaıa shtýrmovka» syılyǵynyń jarystaryna qatysty. Chernobyl apatynyń saldaryn joıý kúniniń 30 jyldyǵyna arnalǵan shara Reseı Federatsııasynyń Nogınsk jáne Podolsk qalalarynda ótti. Bul týraly QR ІІM TJK resmı ókili Rýslan Imanqulov málim etti.
Jarys tórt jattyǵý boıynsha ótti.
Erler men áıelder arasyndaǵy jarystarǵa 5 ulttyq qurama qatysty. Olar Belarýs Respýblıkasynyń, Bolgarııa Respýblıkasynyń, Qazaqstan Respýblıkasynyń, Koreıa Respýblıkasynyń jáne Reseı Federatsııasynyń komandalary.
Sonymen qatar atalǵan sporttyq sharaǵa Reseıdiń TJM bas basqarmalary men oqý mekemeleriniń 9 erler jáne 5 áıelder komandasy qatysty.
Jarys qorytyndysy boıynsha órt sóndirý-qutqarý sporty boıynsha QR erler jáne áıelder quramalary jalpykomandalyq III orynǵa ıe boldy.
