Reseıdegi lańkestik kezinde qaza tapqan qazaqstandyqtyń týystary ótemaqy alady
ASTANA. QazAqparat - Sankt-Peterbýrg metropolıteninde lańkestiktiń saldarynan qaza tapqan qazaqstandyq Maksım Aryshevtiń týystary Reseı bıliginen aqshalaı ótemaqy alady, bul týraly RF-daǵy QR Elshiligine silteme jasap «Qazaqparat» HAA habarlady.
Qazirgi ýaqytta RF-daǵy Qazaqstan elshiligi men Sankt-Peterbýrgtegi Qazaqstan Bas konsýldyǵynyń járdemimen tıisti qujattar resimdelýde, delingen habarlamada.
Tólem 1 mln rýbl. Qaza tapqan qazaqstandyqtyń týystary da federaldyq úkimetten sonsha qarajat alady.
Búgin, 5 sáýirde, Máskeý ýaqyty boıynsha saǵat 20.00-de Maksım Aryshevtiń dostary men tanystary Sennaıa alańynda ony eske alýdy josparlaýda. Onyń múrdesi Almatyǵa juma kúni tańerteń jetkiziledi. «Air Astana» avıakompanııasy ony tasymaldaý shyǵyny men týystarynyń bılet tólemin ózi kóteredi.
