Reseıdegi kúre jolda dońǵalaq aýystyryp jatqan qazaqstandyq mert boldy
ASTANA. QazAqparat - Reseıdiń Krasnozer aýdanynda qaıǵyly jol apaty boldy. «Novosibir-Pavlodar» trassasynda 21 jastaǵy júrgizýshini Mitsubishi Canter júk kóligi qaǵyp ketti, dep habarlaıdy «QazAqparat» HAA kurer-sreda.ru-ǵa silteme jasap.
ІІM Novosibir oblystyq basqarmasynyń málimetterine qaraǵanda, 10 qazan kúni tańerteń Karasýktyń 34 jastaǵy turǵyny Mitsubishi Canter avtomobılimen K-17p «Novosibir-Pavlodar» avtojolynda kele jatyp, 279-kılometrde 05:40-ta joldyń oń jıeginde turǵan DAF júk kóligin soǵady. Onyń sol kezde kóliktiń dońǵalaǵyn aýystyryp jatqan 21 jastaǵy júrgizýshisi oqıǵa ornynda ajal qushqan.
Mert bolǵan júrgizýshi Qazaqstan Respýblıkasynyń azamaty ekendigi anyqtaldy. Osy fakti boıynsha sotqa deıingi tergeý amaldary júrip jatyr, onyń nátıjeleri boıynsha protsessýaldyq sheshim shyǵarylady.
