Reseıdegi kisi ólimine kúdikti ózbekstandyq azamat Almatyda qolǵa tústi

ALMATY. QazAqparat – Almatylyq polıtseıler Reseıdegi kisi ólimine kúdikti er adamdy ustady, dep habarlaıdy QazAqparat tilshisi.

Qalalyq kóshi-qon qyzmetiniń málimetinshe, elge tirkelýge kelgen 32 jastaǵy Ózbekstan azamaty kóshi-qon qyzmetteri ortalyǵynda ustaldy.

«Aqparattyq júıelerdi qoldaný arqyly júrgizilgen ótinish berýshiniń jeke basyn teksere kele bizdiń bólim qyzmetkerleri S.esimdi azamattyń 2015 jyldan bastap Reseıdiń Astrahan oblysy boıynsha ІІM-de RF QK-niń 105 baby, 1 bóligi - kisi óltirý qylmysy úshin izdeýde ekendigin anyqtady. Qalalyq krımınaldyq polıtsııa qyzmetkerleriniń kómegimen kúdikti ustaldy. S.esimdi azamat Ózbekstannan Almatyǵa jumys isteýge kelgen», - dedi, Almaty qalalyq PD kóshi-qon qyzmeti basqarmasynyń bastyǵy, polıtsııa polkovnıgi Ashat Býtýnchınov.

Spıker, Almatyda «Kelimsek» is-sharasynyń eki kúninde izdeýde júrgen 7 kúdiktiniń qolǵa túskenin atap ótti.