Reseıdegi qant baǵasynyń ósýi Qazaqstannyń naryǵyna áser etti

NUR-SULTAN. QazAqparat – Reseıdegi qant baǵasynyń ósýi Qazaqstannyń ishki naryǵyna áser etti, dep habarlaıdy QazAqparat Básekelestikti qorǵaý jáne damytý agenttigine silteme jasap.

Jyl basynan beri eki aı ishinde qant qunynyń ósýi 3,5%-dy qurady (ótken jyldyń uqsas kezeńinde baǵanyń 3,5%-ǵa tómendeýi baıqaldy). Óńirlerde qant Shymkent qalasynda - 14,7%, Qaraǵandy - 11,1%, Aqtaý - 10%, Taldyqorǵanda - 5,1%, Taraz - 4,6%, Oral men Pavlodar - 4%, Jezqazǵanda - 3,6%-ǵa qymbattady.

Baǵalyq sóz baılasý belgileriniń bolýyna baılanysty 2 kóterme jetkizýshige baǵalard tómendetý týraly habarlama jiberildi (Qaraǵandy obl.).

Habarlama bir aı merzimde oryndalmaǵan jaǵdaıda, monopolııaǵa qarsy organ Kásipkerlik kodekske sáıkes tergep-tekserýge bastamashylyq jasaıdy.

Sonymen birge baǵanyń kúrt ósýine birqatar faktorlar áser etti. Bul ishki naryqty 60% qamtamasyz etetin reseılik jáne belorýstyq óndirýshilerdiń ónimderdi jetkizýshiler baǵalarynyń ósýi.

Qazirgi kezde Aqsý jáne Merki qant zaýyttary (Almaty jáne Jambyl obl.) maýsymnyń aıaqtalýyna baılanysty óz óndirisin ýaqytsha toqtatty.