Reseıdegi iri jol apaty: avtokólik 12 adamdy qaqty
NIJNII NOVGOROD. TASS-QazAqparat – Reseıdiń Nıjnıı Novgorod qalasynda avtokóliktiń jaıaý júrginshilerdi qaǵyp ketýi saldarynan bir adam qaıtys bolyp, 12 adam zardap shekti, dep habarlaıdy «QazAqparat» HAA TASS agenttigine silteme jasap.
«Aımaqtyq Densaýlyq saqtaý mınıstrliginiń habarlaýynsha, jol apaty saldarynan 12 adam zardap shekken, olardyń 9-y – jasóspirim balalar. Barlyq kámeletke tolmaǵan oqýshylar oblystyq balalar aýrýhanasyna jetkizildi. Eresekterdiń bireýi jeńil jaraqat alsa, ekinshisi shamamen ortasha aýyr deńgeıdegi jaraqat alǵan. Taǵy bir eresek qaıtys boldy», - dep habarlady baspasóz qyzmeti.
Balalardy ertip júrgen áıel qaıtys bolǵan.
Aldyn ala aqapart boıynsha, balalardyń ómirine qaýip tónip turǵan joq, oblystyq balalar aýrýhanasy olardyń barlyǵyna qajetti kómek kórsetý úshin óz jumysyn kúsheıtti.
Zardap shekkender - 9-synyptyń toǵyz oqýshysy.
«Olardyń barlyǵy aýrýhanaǵa jetkizildi. Ekeýi aýyr halde», - dep atap ótti agenttik ókili.
Reseıdiń Nıjegorod oblysy boıynsha Tergeý komıtetiniń Tergeý basqarmasy iri jol apatyn jasaǵan kúdiktini ustaǵany týraly habarlady.
«Nıjegorod oblysy boıynsha Reseıdiń Tergeý komıtetiniń erekshe mańyzdy isterdi tergeý jónindegi birinshi bóliminiń tergeýshisi bir áıeldi óltirip, toǵyz oqýshyny jaraqattaǵan jol-kólik oqıǵasy týraly qylmystyq isti tergeý kezinde RF QІJK 91-92-baptary negizinde 43 jastaǵy kúdikti azamat ustaldy», - delingen habarlamada.
