Reseıdegi halyqaralyq týrnırde qazaqstandyq tórt boksshy jarysty jalǵastyrady
NUR-CULTAN. QazAqparat - Reseıde bokstan Sankt-Peterbýrg gýbernatorynyń kýboginde qazaqstandyqtar sátti oıyn kórsetip keledi, dep habarlaıdy QazAqparat tilshisi Qazaqstan boks federatsııasyna silteme jasap.
Týrnırde 20 sáýirde Danııal Sábıt (49 keli) óziniń jekpe-jeginde sátti oıyn kórsetti. Ol qyrǵyzstandyq qarsylasyn qapy qaldyryp ketti. Atalǵan salmaqta synǵa túsken taǵy bir qazaqstandyq Temirtas Júsipov ózbekstandyq boksshyǵa ese jiberdi.
Al 69 kelide Aslanbek Shymbergenov rýmynııalyq qarsylasynyń osal tusyn tapsa, 81 kelide Bekzat Nurdáýletov reseılikti jeńip ketti.
Sondaı-aq, 91 kelide Aıbek Oralbaı úndistandyq boksshydan myqty ekenin dáleldedi.
Aıta keteıik, halyqaralyq týrnırde álemniń 15 elinen 100- ge tarta boksshy keldi. Qazaqstan atynan 9 salmaqta 10 bylǵary qolǵap sheberi attandy. Olardyń arasynan 19 sáýirde Zakır Safıýllın 63 kelide qarsylasyna ese jiberip, jarystan shyǵyp qaldy. Al Orazbek Asylqulov (57 keli) pen Ábilhan Amanqul (75 keli) alǵashqy jekpe-jeginde jeńiske jetip, jarysty jalǵastyrýǵa múmkindik aldy.
Eske sala keteıik, jastar arasyndaǵy álem chempıonatynda qazaqstandyq tórt boksshy fınalǵa joldama aldy.
