Reseıdegi boks keshi: Eki qazaqstandyq jekpe-jekterin ótkizbeıtin boldy

NUR-SULTAN. QazAqparat – Reseıdiń Chelıabi qalasynda ótetin Sergeı Kovalev (33-3-1, 28KO)-Entonı ıArd (18-0, 17KO) boks keshiniń aıasynda judyryqtasýy tıis bolǵan eki qazaqstandyq sportshy rıngke shyqpaıtyny habarlandy.

Aldaǵy 24 tamyz kúni Chelıabi qalasynda boks keshi ótip, onyń basty aıqasynda reseılik Sergeı Kovalev pen brıtandyq Entonı ıArd kezdesedi. Onyń anderkartynda qazaqstandyq eki boksshy: asa aýyr salmaqtaǵy Jan Kosobýtskıı (10-0, 6KO) men ekinshi jartylaı jeńil salmaqtaǵy Stanıslav Kalıtskıı (8-0, 3KO) jekpe-jek ótkizýi tıis edi.

VKontakte áleýmettik jelisindegi «Qazaqstannyń kásipqoı boksy» paraqshasynda jazylǵandaı, J.Kosobýtskııdiń kezdesýi ótpeıtindigi keshe belgili bolǵan.

«Tamyz aıyndaǵy Chelıabınsk - bolmaıdy. Menimen judyryqtasýdan bas tartty. Sondyqtan rıngke qyrkúıektiń ortasynda Brestte shyǵýdy josparlap otyrmyn. Biraq naqty datasy áli belgisiz», - dedi boksshynyń ózi.

Sondaı-aq Stanıslava Kalıtskııdiń rıngke shyǵatyn ýaqyty aıaqasty ózgerip ketken. Buǵan deıin BoxRec.com beldi portaly onyń kelesi jekpe-jegi 24 tamyz kúni Chelıabide Kovalev-ıArd boks keshiniń aıasynda ótetinin habarlaǵan bolatyn. Endigide, qazaqstandyqtyń rıngke shyǵatyn ýaqyty men jeri – «7 qyrkúıek, Ekaterınbýrg» dep jazylǵan. Onyń qarsylasy ózgergen joq. Ol – reseılik Vladıslav Krasnosheın (7-0-1, 2KO). Aıqas ýaqytynyń ózgerýi nemen baılanysty ekeni belgisiz.