Reseıdegi balalar lagerinde 60-tan astam adam ýlandy
EKATERINBÝRG. QazAqparat - Reseıdiń Sverdlovsk oblysyndaǵy «Sosnovyı bor» lagerinde demalyp jatqan 64 adam ishek ınfektsııasyn juqtyrdy degen kúdikpen aýrýhanaǵa jatqyzyldy. Bul týraly TASS oblystyq prokýratýraǵa silteme jasap habarlaıdy.
«33 adam Kýshva qalasyndaǵy aýrýhanada, 31-i Nıjnıı Tagılge jetkiziledi. Qazir ol jerde 20 adam bar, lagerden taǵy 11 bala ákelinedi», - delingen habarlamada.
Densaýlyq saqtaý mınıstrliginiń baspasóz qyzmeti oqıǵa ornynda vedomstvonyń jáne Apattar medıtsına ortalyǵynyń ókilderi, sondaı-aq jergilikti aýrýhanalardyń qyzmetkerleri jumys istep jatqanyn habarlaǵan. «Naýqastardyń emdelýine qajettiniń bári bar, olardyń ómirine qaýip tónip turǵan joq. Ýlaný sebepteri tekserilip jatyr», - dep málimdedi baspasóz qyzmeti.
Prokýratýra ókilderiniń aıtýynsha, balalardyń barlyǵynda uqsas sımptomdar baıqalyp otyr.
«Lagerdi uıymdastyrýmen «Solnechnyı» uıymy aınalysady. Prokýratýra lagerdegi taǵamdardyń synamalaryn zerthanada tekserý úshin mamandardy jumyldyrdy», - dep málimdedi prokýratýranyń baspasóz qyzmeti.
