Reseıdegi avtobýs apatynda zardap shekken ózbekstandyqtar eline jetkizildi
ASTANA. QazAqparat - Ózbekstan qorǵanys mınıstrliginiń áskerı-kólik ushaǵy 8 qazan kúni tańerteń Reseıdiń Vladımırovskıı oblysynda bolǵan jol-kólik apatynda zardap shekkenderdi jáne qaza tapqan azamattardyń máıitin óz elderine jetkizdi, dep habarlaıdy QazAqparat «Ózbekstan 24» telernasyna silteme jasap.
Máskeý mańyndaǵy Jýkovskidegi Ramenskoe áýeaılaǵynan ushyp shyqqan Il-76 ushaǵynyń bortynda 36 apatqa ushyraǵan avtobýs jolaýshysy jáne olardyń 5 týysqany bolǵan.
Ushaq Termezge qonyp, onda Sýrhandarıa oblysynyń 22 turǵyny men 15 marqumnyń denesi jetkizildi. Odan keıin ushaq Tashkentke ushyp ketti.
Bes jasar qyz ben zardap shekken úsh adam Vladımırovskıı oblystyq aýrýhanada qaldy. Olardyń jaǵdaılary jaqsarǵannan keıin ǵana Ózbekstanǵa qaıtarylady.
Aıta keteıik, Reseı Federatsııasynyń Vladımır oblysynda Qazaqstannan shyqqan avtobýs jol apatyna ushyraǵany týraly buǵan deıin habarlaǵan edik . Vladımır oblystyq TJM-nyń málimetterine súıensek, apatqa ushyraǵan avtobýsta 55 Ózbekstan azamaty jáne 2 júrgizýshisi qazaqstandyq bolǵan.
