Reseıdegi avtobýs apatynda qaza tapqandardyń biriniń kim ekeni anyqtalmaı otyr
ASTANA. QazAqparat - Reseıdiń Vladımırovskıı oblysyndaǵy poıyzǵa soǵylǵan avtobýs apatynda kóz jumǵan 17 marqumnyń bireýiniń aty-jóni anyqtalmaı otyr, dep habarlaıdy QazAqparat.
Bul jaıly reseılik TASS agenttigine Vladımırovskıı oblysynyń vıtse-gýbernatory Aleksandr Lobakov málim etken.
«Bir er adamnyń kim ekeni anyqtalmaı otyr. Biz Ózbekstan azamaty bolýy múmkin dep joramaldap otyrmyz. Ázirge kim ekeni anyqtalmaıynsha Vladımırovskııde (máıthanada) qalady jáne anyqtaý sharalary jalǵastyrylady», - dedi Aleksandr Lobakov.
Búgin jol apatynan aman qalǵan 36 Ózbekstan azamaty men 15 marqumnyń máıiti ushaqpen óz eline qaıtaryldy. Taǵy bir qaza tapqan Qazaqstan azamatynyń denesi qaıtarylǵan joq. «Ol júrgizýshi, onyń kim ekeni anyqtaldy, al, eline qaıtarý máseleleri Qazaqstan elshiligimen birlesip sheshiletin bolady», - dedi Lobakov.
