Reseıdegi áýejaılarda qaýipsizdiktiń jańa sharalary engizildi
ASTANA. 11 qańtar. QazAqparat - 11 qańtardan bastap Reseıde ushaqtyń bortyna kez kelgen suıyqtyqty alyp kirýge tyıym salatyn tártip kúshine endi. Atap aıtqanda shaǵyn konteınerler men 100 mıllılıtrge deıingi tútikterdi tasymaldaýǵa bolmaıdy.
Qaýipsizdik sharalaryn kúsheıtý 9 qańtarda jarııa etilgen kórinedi. Bul sharalar Sochıdegi qysqy Olımpıadalyq oıyndardyń ótkizý kezendegi lańkestik qaterdiń aldyn alýǵa negizdelip otyr.
Kólik mınıstrliginiń sharalardy qatańdatý týraly buıryǵynda dárilik zattar men balalardyń jáne dıetalyq taǵamdarǵa qatysty atalǵan tártip júrmeıtini aıtylǵan.
Suıyqtyqtardy alyp ótýge baılanysty shekteýler ushaqqa otyrý aldynda baj salyǵynsyz saýda aımaǵynda satyp alynǵan taýarlarǵa da taralmaıdy.
