Reseıdegi asýda apatqa ushyraǵan avtobýsta 15 Mońǵolııa azamaty bolǵan
MÁSKEÝ. QazAqparat - Altaı Respýblıkasynda aýdarylǵan shaǵyn avtobýstyń ishinde Mońǵolııanyń on bes azamaty bolǵan. Olardyń on ekisi zardap shekken, dep habarlaıdy RIA Novostı óńirdiń jedel qyzmetteri ókiline silteme jasap.
«Shaǵyn avtobýsta Mońǵolııanyń 15 azamaty boldy, olardyń 12-si jaraqattanyp, aýrýhanaǵa jatqyzyldy», - dedi agenttikke suhbat berýshi.
Buǵan deıin habarlanǵandaı, jol apaty beısenbiden jumaǵa qaraǵan túni Taýly Altaı ólkesiniń «Chıke-Taman» asýynan túser jerde, R- R-256 "Shúı ańǵary" tas jolynyń 659-shy shaqyrymynda bolǵan.
Óńirdiń apat medıtsınalary ortalyǵy jaraqattanǵan 12 azamatty tikushaqpen Taýly Altaıǵa jetkizý josparlanǵanyn málim etti. Zardap shekken azamattardyń jaǵdaıy ortasha dárejede aýyr dep baǵalanýda.
