Reseıdegi apattan zardap shekkender arasynda qazaqstandyqtar joq - SІM
ASTANA. 9 shilde. QazAqparat - Qazaqstannyń Syrtqy ister mınıstrligi Reseıdiń Krasnodar ólkesindegi sý tasqynynan japa shekkender men qaıtys bolǵandar arasynda qazaqstandyq azamattardyń joq ekendigin rastaıdy.
Bul týraly búgin atalǵan mınıstrlikte ótken brıfıng barysynda málim boldy.
«Men QR SІM Erjan Qazyhanovtyń óziniń reseılik áriptesi Sergeı Lavrovqa kóńil aıtqanyn bildirgim keledi. Al osy jaǵdaıdy eskere otyryp, RF Azamattyq qorǵanys isteri jáne tótenshe jaǵdaılar men apat saldaryn joıý mınıstrliginen alynǵan aqparatqa sáıkes, Krasnodar ólkesindegi sý tasqynynan japa shekkender men qaıtys bolǵandar arasynda qazaqstandyqtar joq», - dedi SІM resmı ókili Altaı Ábıbýllaev.
Eske sala ketsek, Reseı tótenshe jaǵdaılar mınıstrliginiń derekterine sáıkes, Kýbandaǵy qaıǵyly apattan 150-den astam adam qaza bolyp, 22 myńnan astamy japa shekken. 5 myńnan astam baspanany sý basqan.
