Reseıdegi apat: Úıindi astynda qalǵan on aılyq sábı tiri tabyldy
MAGNITOGORSK. QazAqparat - Reseıdiń Magnıtogorsk qalasynda qulaǵan úıdiń astynan qutqarýshylar on aılyq sábıdi alyp shyqty. Bul týraly TASS agenttigi habarlady.
Agenttiktiń habarlaýynsha, sábıdiń jaǵdaıy aýyr dep baǵalanýda.
«Úıindi astynan qutqarylǵan sábıdi emhanaǵa apara jatyrmyz. Jaǵdaıy aýyr», - dedi agenttikke jedel járdem qyzmetiniń mamandary.
Belgili bolǵandaı, sábıdiń aman qalýyna balanyń kerýeti men jyly kıimder óziniń áserin tıgizgen.
Eske salsaq, Reseıdiń Magnıtogorsk qalasyndaǵy kóp qabatty úıde jarylys bolyp, saldarynan 7 adamnyń mert bolǵany týraly habarlaǵan bolatynbyz.
