Reseıdegi Wildberries qoımasynyń órtenýinen qazaqstandyqtar shyǵynǵa ushyrady ma

ASTANA. KAZINFORM – Saýda jáne ıntegratsııa mınıstri Arman Shaqqalıev Reseıdiń Sankt-Peterbýrg qalasyndaǵy Wildberries qoımasynyń órtenýi jóninde pikir bildirdi.

«Sankt-Peterbýrgte bolǵan órt Wildberries saqtaý qýatynyń shamamen 3,5%-in quraıdy. Reseı boıynsha onyń 100-den astam orny bar. Búgingi tańda bizdiń satýshylarymyz, qansha taýar zardap shekkeni týraly naqty aqparat joq. Tergeý, sanaý, tekserý jumystary júrip jatyr. Jetkizý múmkindikterine kelsek, BAQ-ta kólik parki zardap shekpegeni jazyldy, jetkizý taýarlardy saqtaý jáne óńdeý pýnktteri boıynsha júrip jatyr, onyń kóp bóligi Reseıdiń ortalyq bóliginde, protsess shtattyq rejımde jalǵasýda», - dedi A. Shaqqalıev Úkimet otyrysynda.

Saýda mınıstri tergeý nátıjelerin kútý keregin, degenmen bizdiń satýshylardan ótinish kelip túspegenin aıtty.

Eske sala ketsek, 13 qańtarda Sankt-Peterbýrgtegi Shýshary aýylyndaǵy ınternet-dúkenniń qoımasynda órt shyqty.

Vaıldberrız alańynda 55 704 qazaqstandyq satýshy tirkelgen.