Reseıdegi týrnırde búgin úsh boksshy qarsylastaryn jeńdi
ASTANA. KAZINFORM - Reseıdiń Habarovsk qalasynda ótip jatqan Konstantın Korotkovty eske alýǵa arnalǵan halyqaralyq týrnırdiń ekinshi jarys kúni, 16 sáýirde el quramasynan úsh boksshy jeńiske jetti.
El quramasynan búgin jeti boksshy sharshy alańǵa shyqqan edi. Olardyń arasynan úsheýi jarysty jalǵastyrýǵa múmkindik aldy.
2021 jylǵy álem chempıondary Temirtas Júsipov (48 keli) týrnırde reseılik Mıhaıl Prokofevti, Sáken Bıbosynov (54 keli) reseılik Kýrban Baırambekovti 5:0 esebimen tize búktirdi.
Al 63,5 kelide Jandos Qydyralıev ázerbaıjandyq Abıl Mamedovpen kezdesýi tıis edi. Qarsylasynyń jekpe-jekten bas tartýyna baılanysty jeńis Jandosqa berildi.
El quramasynan Anastasııa Baıazıtova (75 keli) týnıstik Benmabrýk Molka, Shuǵyla Nálibaı (75 keli) ózbekstandyq Azıza Zokırova, Farýh Toqtasynov (71 keli) ózbekstandyq Asylbek Abdýrahmanov, Bekzat Aldamjarov (51 keli) Amırsho Jalolovtan jeńilip, jarys jolynan shyǵyp qaldy.
Aıta ketsek, halyqaralyq týrnır bıyl on altynshy márte uıymdastyrylyp otyr. Baıraqty báseke 20 sáýirge deıin jalǵasady.
Osyǵan deıin Reseıdegi týrnırde qazaqstandyq jeti boksshy sharshy alańǵa shyǵatynyn jazǵan edik.