Reseıdegi týrnırde búgin qazaqstandyq jeti boksshy sharshy alańǵa shyǵady

ASTANA. KAZINFORM — Búgin, 16 sáýir Reseıdiń Habarovsk qalasynda ótip jatqan Konstantın Korotkovty eske alýǵa arnalǵan halyqaralyq týrnırdiń ekinshi jarys kúninde el quramasynan jeti boksshy sharshy alańǵa shyǵady.

Erler:

48 keli Júsipov Temirtas — Mıhaıl Prokopev (Reseı)
51 keli. Aldamjarov Bekzat — Dzalolov Amırshoh (Reseı)
54 keli. Bıbosynov Sáken — Baıranbekov Qurban (Reseı)
63,5 keli. Qydyralıev Jandos — Mamedov Abıl (Reseı)
71 keli. Toqtasynov Farýh — Abdyrahmonov Asılbek (Ózbekstan)

Áıelder:

75 keli. Baıazıtova Anastasııa — Benmabrýk Molka (Týnıs)
75 keli. Nálibaı Shuǵyla — Zokırova Azıza (Ózbekstan)

Aıta ketsek, halyqaralyq týrnır bıyl on altynshy márte uıymdastyrylyp otyr. Baıraqty báseke 20 sáýirge deıin jalǵasady.

Týrnırde 15 sáýirde Ánel Saqysh (54 keli) mońǵolııalyq M.Enkjargaldy, Farýh Toqtasynov (71 keli) reseılik Dmıtrıı Zaharovty 5:0 esebimen jeńse, 57 kelide Dáýlet Moldashev Soltústik Koreıa boksshysy O Monǵa 2:3 esebimen ese jiberdi.

Halyqaralyq týrnırge Reseı, Mońǵolııa, Týnıs, Irak, Tájıkstan, Ózbekstan, Senegal, Kongo, Kýba, Qytaı, Soltústik Koreıa, Qyrǵyzstan, Belarýs, Grýzııa, Ońtústik Koreıa jáne Qazaqstannan 150-den astam boksshy keldi.

Eske salsaq, Ázerbaıjanda ótken «Jibek joly» týrnırinde Qazaqstan erler quramasy toǵyz medal aldy.