Reseıdegi týrnırde búgin qazaqstandyq toǵyz boksshy sharshy alańǵa shyǵady

ASTANA. KAZINFORM — Búgin, 17 sáýirde Reseıdiń Habarovsk qalasynda ótip jatqan Konstantın Korotkovty eske alýǵa arnalǵan halyqaralyq týrnırdiń úshinshi jarys kúninde el quramasynan toǵyz boksshy sharshy alańǵa shyǵady.

Halyqaralyq týrnır bıyl on altynshy márte uıymdastyrylyp otyr. Baıraqty báseke 20 sáýirge deıin jalǵasady.

Erler:

60 keli. Beıbarys Jeksen — Gonbold Darınbaýf (Mońǵolııa)
67 keli. Muhammedsabyr Bazarbaıuly — Danııl Tıtko (Belarýs)
92 keli. Saǵyndyq Toǵambaı — Egor Plotsyn (Reseı)

Áıelder:

50 keli. Gúlnar Turapbaı — Sterlın Delı (Kýba)
54 keli. Ánel Saqysh — Chjon Hýan (KHDR)
57 keli. Aıdana Zabynbekova — Anastasııa Pavlova (Reseı)
60 keli. Rımma Volosenko — Namýl Monkhor (Mońǵolııa)
66 keli. Arýjan Jańabaeva — Natalıa Sokolova (Reseı)
66 keli. Uldana Taýbaı — Anna Gýdarova (Reseı).

Eske salsaq, 16 sáýirde el quramasynan úsh boksshy jeńiske jetti.

2021 jylǵy álem chempıondary Temirtas Júsipov (48 keli) týrnırde reseılik Mıhaıl Prokofev, Sáken Bıbosynov (54 keli) reseılik Kýrban Baırambekovti 5:0 esebimen tize búktirdi.

Al 63,5 kelide Jandos Qydyralıev ázerbaıjandyq Abıl Mamedovpen kezdesýi tıis edi. Qarsylasynyń jekpe-jekten bas tartýyna baılanysty jeńis Jandosqa berildi.