Reseıdegi týrnırde 7 qazaqstandyq boksshy kelesi kezeńge ótti

ASTANA. KAZINFORM - Habarovsk qalasynda (Reseı) ótip jatqan Konstantın Korotkovty eske alýǵa arnalǵan halyqaralyq týrnırdiń úshinshi jarys kúninde Qazaqstan quramasynyń sapyndaǵy 9 boksshynyń 7-eýi jarysty jalǵastyrýǵa múmkindik aldy. 

El quramasynyń atynan synǵa túsken Muhammedsabyr Bazarbaıuly (67 keli) belarýstik Danııl Tıtkony aıqyn basymdyqpen jeńse, Saǵyndyq Toǵambaı (92 keli) reseılik Egor Plotsyndi 5:0 esebimen qapy qaldyrdy. 60 kelide Beıbarys Jeksen mońǵolııalyq Gonbold Darınbaýfqa 2:3 esebimen ese jiberdi.

Al áıelder quramasynan Gúlnar Turapbaı (50 keli) kýbalyq Sterlın Delıdi, Aıdana Zabynbekova (57 keli) Anastasııa Pavlovany, Rımma Volosenko (60 keli) mońǵolııalyq Namýl Monkhordy, Arýjan Jańabaeva ( 66 keli) reseılik Natalıa Sokolovany, Uldana Taýbaı (66 keli) reseılik Anna Gýdarovany jeńip, kelesi kezeńge joldama aldy. 

Ókinishke qaraı 54 kelide synǵa túsken Ánel Saqysh Soltústik Koreıadan kelgen Chjon Hýanǵa 1:4 esebimen ese jiberdi. 

Aıta keteıik, halyqaralyq týrnır bıyl on altynshy ret uıymdastyrylyp otyr. Baıraqty báseke 20 sáýirge deıin jalǵasady. 

Buǵan deıin Reseıdegi týrnırde 9 qazaqstandyq boksshy sharshy alańǵa shyǵatynyn jazǵan edik.