Reseıde zorlyq-zombylyqtyń qurbany bolǵan áıel úsh balasymen Ózbekstanǵa qaıtaryldy

TAShKENT. KAZINFORM — Bas konsýldyqtyń kómegimen Reseıdiń Sýrgýt qalasynda otbasylyq zorlyq-zombylyqtyń qurbany bolǵan Ózbekstan azamattary eline qaıtaryldy, dep habarlaıdy Dunyo agenttigi.

Aqparatqa sáıkes, 15 mamyrda Bas konsýldyqqa azamat I.M. jubaıy Q.M. qatty qysym kórsetýi men balaǵattaýyna baılanysty turaqty turǵylyqty mekenjaıyna jetý úshin kómek suraǵan.

Bul otbasy Reseıdiń Sýrgýt qalasyna 2024 jyldyń mamyr aıynda kámeletke tolmaǵan eki balasymen barǵan. Otbasynyń úshinshi balasy osy qalada dúnıege kelgen.

Jábirlenýshiniń jubaıy Reseı aýmaǵynda zańdy bolý úshin qajetti qujattardy almastan ár jerde jumys istegen. Bul otbasynda turaqty jumys pen tabystyń joqtyǵynan kelispeýshilik týyndaıdy. Úzdiksiz janjaldan sharshaǵan ana balalaryn alyp, Ózbekstanǵa qaıtýǵa bel býǵan. Muny bilgen er adam olardyń tólqujattaryn alyp qoıǵan.

Dıplomattar otbasyna baryp, K.M.-dan jubaıy men balalarynyń qujattaryn alyp, Ekaterınbýrg qalasyna ákeldi. Sondaı-aq I.M.-nyń Reseıde týǵan úshinshi balasyna oralý kýáligi berildi.

I.M. men onyń úsh balasy 19 mamyrda Ekaterınbýrgten Namanganǵa ushatyn reıske bılet satyp alyp, Ózbekstanǵa shyǵaryp salyndy.

Eske sala keteıik, Reseıde ata-anasynyń qamqorlyǵynsyz qalǵan 3 bala Ózbekstanǵa oraldy.