Reseıde Zıka bezgegin juqtyrýdyń alǵashqy jaǵdaıy tirkeldi
ASTANA. QazAqparat - Rospotrebnadzor RF-da Zıka bezgegin juqtyrýdyń alǵashqy jaǵdaıyn tirkedi, dep habarlady TASS.
«Qazirgi ýaqytta naýqas ınfektsııalyq statsıonar boksynda jatyr. Jaǵdaıy qalypty. Baılanysta bolǵan otbasy músheleri baqylaýǵa alyndy. Aýrýdyń klınıkalyq belgileri anyqtalmady. Zıka vırýsyna zertteý nátıjeleri -teris», - delingen vedomstvo habarlamasynda.
Naýqas Domınıkan respýblıkasynda demalysta bolǵan.
Sondaı-aq Rospotrebnadzorda vırýs juqtyrǵan reseılik mingen ushaqta epıdemııaǵa qarsy sharalar kesheni júrgizildi, jolaýshylar densaýlyǵyna qaýip joq.
Zıka vırýsynyń belgileri joǵary temperatýra, konıýnktıvıt, bas aýrýy, býyndar syrqyraý, qabyný úderisterin, keı jaǵdaılarda qusý, júrek aıný, asqazan buzylýyn qamtıdy. Vırýsty tasymaldaýshy Aedes aegypti shirkeıi. Іndet Azııa men Afrıkada, Ońtústik jáne Soltústik Amerıkada, Tynyq muhıt óńirinde tirkelgen. Batys jarty sharynda tez taralýda. Vırýs 55 eldiń 20-syna dendep kirdi. Ótken jyly mamyrda naýqastar tek Brazılııada ǵana bolǵan.
Júktilik kezeńinde vırýsty juqtyrý náresteniń týa bitti kemis bolýyna alyp kelýi múmkin.
