Reseıde julyn transplantatsııasy boıynsha operatsııa jasaldy
MÁSKEÝ. KAZINFORM - Máskeýde alǵash ret julyn transplantatsııasy boıynsha operatsııa jasaldy. 12 saǵatqa sozylǵan hırýrgııalyq aralasý N.V.Sklıfosovskıı atyndaǵy Jedel járdem ǵylymı-zertteý ınstıtýtynda júrgizildi, dep habarlaıdy agenttiktiń menshikti tilshisi.
Máskeý qalasynyń meri Sergeı Sobıanınniń aıtýynsha, tolyq qımylsyz qalý qaýpi tóngen naýqasta operatsııadan keıin saýyǵýǵa múmkindik paıda bolǵan. Qazirgi ýaqytta onyń jaǵdaıy jaqsy.
- Sklıfosovskıı atyndaǵy Jedel járdem ınstıtýtynda 12 saǵatqa sozylǵan biregeı hırýrgııalyq aralasý jasaldy. Tolyq qımylsyz qalý qaýpi tóngen naýqasta saýyǵýǵa múmkindik paıda boldy. Qazir onyń jaǵdaıy jaqsy, - dep jazdy Máskeý meri «Maks» messendjerindegi arnasynda.
Ol sondaı-aq bul operatsııa elordada júzege asyrylyp jatqan aıaq-qoldy transplantatsııalaý jobasynyń jalǵasy ekenin atap ótti.
Máskeýdegi medıtsınalyq mekemeler halyqaralyq yntymaqtastyqty damytyp, zamanaýı tehnologııalardy engizip, sheteldik tájirıbeni ıgerip keledi. Operatsııaǵa qytaılyq mamandar qatysyp, medıtsınalyq tehnologııalardy transferleý tetigi de qoldanyldy.
Aıta keteıik, Reseıde eńbek mıgranttarynyń orys tilin bilýine qoıylatyn talap qaıta qaralýy múmkin.
