Reseıde júk kóligi men avtobýs soqtyǵysyp, 7 adam kóz jumdy
KALININGRAD OBLYSY. TASS-QazAqparat - Reseıdiń Kalınıngrad oblysynda júk kóligi men avtobýs soqtyǵysyp, jeti adam mert bolǵan, dep habarlaıdy QazAqparat TASS agenttigine silteme jasap.
Kalınıngrad oblysy tótenshe jaǵdaılar basqarmasy basshysynyń orynbasary Alekseı Jýkovtyń aıtýynsha, apattan 14 adam zardap shekken.
Oblystyq tergeý basqarmasynyń málimetinshe, qaza tapqandardyń ishinde kishkentaı bala jáne eki kóliktiń júrgizýshisi bar. Sońǵy málimet boıynsha, avtobýspen qaqtyǵysqan júk kóligi qum ákele jatqan. Tergeý basqarmasy atalǵan jaıt negizinde tergeý júrip jatqanyn málimdedi.
Sonymen qatar, Kalınıngrad oblysynyń prokýratýrasy da osy oqıǵaǵa baılanysty tekserýdi bastap ketken.
