Reseıde júgeri alqabyna apatty jaǵdaıda qonǵan ushaqta zardap shekkender sany 76-ǵa jetti
MÁSKEÝ. TASS – QazAqparat - Máskeý túbinde apattyq jaǵdaıda qonǵan Airbus A321 ushaǵynda zardap shekkender sany 76-ǵa jetti, sonyń 19-y – bala. Bul týraly keshe RF Densaýlyq saqtaý mınıstrliginiń baspasóz qyzmeti málimdegen, dep habarlaıdy QazAqparat TASS agenttigine silteme jasap.
«Máskeý oblysynyń Rybakı derevnıasyn jaqyn mańdaǵy jazyqqa Airbus ushaǵynyń apattyq jaǵdaıda qonýyna baılanysty, Máskeý ýaqytymen 20:00-degi derek boıynsha 76 adam adam, sonyń ishinde 19 bala dáriger kómegine júgindi», - delingen málimdemede.
Mınıstrliktiń málimdeýinshe, 69 jastaǵy áıel statsıonarlyq em-dom alyp jatyr. Onyń ómirine qaýip tónip turǵan joq.
Qalǵandarǵa ambýlatorııalyq kómek kórsetilgen.
Buǵan deıin 55 adam zardap shekkeni habarlanǵan.
Eske sala keteıik, «Ýral áýe joldary» áýe kompanııasynyń Airbus A321 jolaýshylar ushaǵy Jýkovskıı áýejaıy mańynda apatty jaǵdaıda qonýǵa májbúr bolǵan. Ushaq Sımferopolǵa ushyp shyqqan.
