Reseıde Jomart Ertaevtyń yqtııar haty kúshin joıdy - Bas prokýratýra

ASTANA. QazAqparat - Bas prokýratýra «RBK Bank» AQ dırektor keńesi tóraǵasynyń burynǵy keńesshisi Jomart Ertaevty Reseı Federatsııasynan ekstradıtsııalaý boıynsha sharalar qoldanyp jatyr, dep habarlaıdy QazAqparat vedomstvonyń baspasóz qyzmetine silteme jasap.

Eske salaıyq, ol 160 mln dollar bank qarjysyn jymqyrǵany úshin aıyptalýda.

QR Bas prokýrasynyń 14 maýsymdaǵy saýaly boıynsha, Máskeý qalasy Presnensk aýdandyq soty J.Ertaevqa qatysty «úı qamaqta ustaý» bultartpaý sharasyn 2018 jyldyń 8 qarashasyna deıin sozdy.

Sondaı-aq, QR Bas prokýratýrasynyń ótinishi boıynsha RF ІІM Máskeý qalasy boıynsha bas basqarmasynyń 2018 jylǵy 6 maýsymdaǵy sheshimimen Ertaevqa 2017 jyldyń qarashasynda berilgen Reseı Federatsııasyndaǵy yqtııar haty óz kúshin joıdy.   

Bas prokýratýra reseılik áriptesterimen ózara árekettese otyryp, Ertaevty Qazaqstanǵa ekstradıtsııalaý boıynsha jumystar jalǵasyp jatyr.