Reseıde jolaýshylar ushaǵynda ushqyshtardyń biri qaza boldy
DONDAǴY ROSTOV. TASS-QazAqparat – Reseıde jolaýshylar ushaǵy ekinshi ushqyshtyń jaǵdaıy nasharlaǵan soń Dondaǵy Rostov áýejaıyna shuǵyl qonýǵa májbúr boldy. Ol jerge qonyp jatqan kezde qaıtys boldy, dep habarlaıdy TASS óńirdiń jedel qyzmetine silteme jasap.
«Ushaq Sheremetevodan ushyp shyqqan. Tańǵy saǵat 10-dar shamasynda ekinshi ushqyshtyń jaǵdaıy nasharlaı bastaǵan. Ushaq shuǵyl qonýǵa ruqsat suraǵan. Áýe kemesi jerge qonyp jatqan kezde 1970 jylǵy ushqysh qaıtys boldy», - dedi agenttiktiń derekkózi.
Áýejaı baspasóz qyzmetiniń málimetinshe, Máskeýden Anapaǵa baǵyt alǵan «Aeroflot» áýe kompanııasynyń ushaǵy Máskeý ýaqytymen 09:57-de Platov áýejaıyna (Dondaǵy Rostov) jedel qondy. Qazirgi tańda ushaq áýejaıdan óz baǵyty boıynsha ushqaly jatyr.
Kóz jumǵan ushqyshtyń orny basqa mamanmen aýystyrylǵan.
RF Tergeý komıteti kóliktegi ońtústik tergeý basqarmasy oqıǵa boıynsha tekserýdi bastady, dep habarlady TASS-qa vedomstvo baspasóz qyzmetinen.
