Reseıde jolaýshylar ushaǵy radardan joǵalyp ketti

MÁSKEÝ. TASS-QazAqparat – An-28 jolaýshylar ushaǵy Tomsk oblysynda radardan joǵaldy. Bul týraly TASS agenttigine avıatsııalyq qyzmettegi aqparat berýshi málimdegen, dep habarlaıdy QazAqparat TASS agenttigine silteme jasap.

Ártúrli derekter boıynsha, ushaqta 13-17 adam bar. Olardyń tórteýi – bala. «Ushaq Bakchar aýdanynda radardan joǵaldy. Onyń tótenshe maıagi iske qosylǵan. Bortta 17 adam bar, olardyń tórteýi – bala. Úsheýi – ekıpaj músheleri», - dedi avıatsııalyq qyzmettegi aqparat berýshi TASS agenttigine.

Ol An-28 ushaǵynyń shamamen qaıda ekeniniń koordınatasy anyqtalǵanyn naqtylady. «An-28-diń tótenshe maıaginiń iske qosylǵany tirkeldi. Aldyn ala derekter boıynsha, koordınatalar Bachkar aýylynyń mańyn kórsetip tur», - dedi agenttikke suhbat berýshi.

Onyń aıtýynsha, ekıpaj borttaǵy aqaýlar týraly habar bermegen.

«Ushý shtatty túrde ótti. Ekıpaj borttaǵy eshqandaı aqaý nemese problema týraly habar bermedi», - dedi agenttikke suhbat berýshi.

Odan bólek, ushaqta ushý aldynda eshqandaı tehnıkalyq aqaý bolmaǵan.

«Ushý aldyndaǵy barlyq protsedýralar jasalǵan. Ushaqta tehnıkalyq aqaý anyqtalmaǵan», - dep qosty ol.

An-28 ushaǵy qulaǵan bolýy múmkin.