Reseıde jolaýshylar poıyzy relsten shyǵyp ketti
ASTANA. KAZINFORM — Reseıdiń Brıansk oblysynda ústinde júk kóligi kele jatqan kópir opyrylyp qulap, astynda ótip bara jatqan poıyz vagonyna tústi. 7 adam qaza taýyp, 30-dan asa adam zardap shekti, dep habarlaıdy Kazinform tilshisi reseılik BAQ-qa silteme jasap.
Apattyq jaǵdaıdan keıin jolaýshylar poıyzy relsten shyǵyp ketken.
Brıansk oblysynyń gýbernatory Aleksandr Bogomaz A-240 federaldy tas jolynyń bir ýchaskesiniń aýdanynda jeńil kólikter men jolaýshylar poıyzynyń qatysýymen jol-kólik oqıǵasy bolǵanyn habarlady. Poıyzda 388 jolaýshy bolǵan.
Barlyǵy 71 adam zardap shekti, onyń 27-sine medıtsınalyq kómek kórsetildi. 7 adam qaıtys boldy, 3 adamnyń jaǵdaıy aýyr.
Apat bolǵan jerde tótenshe jaǵdaılar qyzmeti men memlekettik organdardyń ókilderi jumys istep jatyr.
Eske sala keteıik, buǵan deıin Mataı stansasyndaǵy temirjol ótkelinde kólik poıyzben soqtyǵysqanyn jazǵan edik.
