Reseıde jol qozǵalysy erejelerine ózgerister engiziledi
ASTANA. QazAqparat - RF Kólik mınıstrligi jol qozǵalysy erejelerine ózgerister engizýdi josparlap otyr, bul týraly vedomstvonyń resmı ókilderi málim etti, dep habarlady https://informing.ru.
Olar elde elektrli kólikterdi taratýǵa baǵyttalǵan. Jol qozǵalysy erejelerine resmı túrde «elektromobıl» uǵymy engiziledi. Daıyndalyp jatqan ózgeristerde elektrokar elektr jetek arqyly júretin kólik quraly bolyp sanalady.
Sarapshylar qazir jurtshylyq elektrokary men gıbrıdtik avtomobılderdi jıi shatastyratynyn aıtady, al olar ártúrli klastaǵy kólik quraldary. Elektroombılderdi zarıadtaıtyn arnaıy oryndar jol belgisine engizmek.
Sondaı-aq ekskýrsııalyq avtobýstardyń qozǵalysy tártibine de ózgerister engizý josparlanýda. Kóliktiń bul túri úshin ótinim boıynsha arnaıy ruqsat beriledi, bul olardyń marshrýttyq avobýstar jolaǵymen júrýine múmkindik beredi.
Sonymen qatar endi qarapaıym avtomobılderdiń arnaıy belgilengen oryndardan basqa jerlerde toqtap, jolaýshylardy mingizýine jáne túsirýine tyıym salynady.
Taǵy bir jańalyq velosıpedshilerge qatysty bolmaq. Qazir 7 jastaǵy balalarǵa ruqsat berilgen, al jańa erejede velosıped teýip, jolǵa shyǵýǵa 14 jastan keıin ǵana ruqsat berilmek.
