Reseıde jol apatynan mert bolǵan qazaqstandyq blogerdiń múrdesi týystaryna berildi - QR SІM
ASTANA. QazAqparat - Reseıde jol apatynan mert bolǵan qazaqstandyq blogerdiń múrdesi týystaryna berildi. Bul jaıynda QR Syrtqy ister mınıstrliginiń baspasóz qyzmetinen málim etti, dep habarlaıdy QazAqparat tilshisi.
«RF ІІM Chelıabi oblystyq bas basqarmasy Omby qalasyndaǵy Qazaqstan konsýldyǵyna usynǵan aqparatqa sáıkes 2018 jyldyń 6 shildesi kúni Chelıabi oblysy Ashınsk aýdanynda «Máskeý-Chelıabi» avtomobıl jolynyń 1593 shaqyrymynda jeńil jáne júk kólikteriniń soǵysýy saldarynan Qazaqstannyń úsh azamaty qaza tapty. Jeńil kóliktiń júrgizýshisi men 2 jolaýshysy jol-kólik oqıǵasy oryn alǵan jerde jaraqattan kóz jumdy», - delingen taratylǵan aqparatta.
Jergilikti polıtsııa málimetinshe, myna adamdar qaza tapqan: avtomobıl júrgizýshisi Magazov K.K., 14.05.1963 dúnıege kelgen, Kılaj D.K., 28.12.1999 jyly dúnıege kelgen, Ýrazbaev D.I., 01.03.2000 dúnıege kelgen.
«2018 jyldyń 7 shildesinde qaza tapqandardyń múrdesi týystaryna berildi. Jol-kólik oqıǵasy faktisi boıynsha RF ІІІM Ashınsk aýdandyq bólimi bastyǵynyń orynbasarymen protsessýaldy tekserý júrgizilip, nátıjesinde qylmystyq is qozǵaýdan bas tartý týraly qaýly shyǵaryldy», - dep atap ótedi QR SІM baspasóz qyzmetinen.
Buǵan deıin habarlaǵanymyzdaı, aldyn ala málimetke sáıkes jeńil kólik joldyń qarsy betine shyǵyp ketip, júk kóligimen soqtyǵysqan.
