Reseıde joǵary oqý oryndarynda maska taǵý mindetteldi

MÁSKEÝ. TASS-QazAqparat - Reseıde joǵary oqý oryndarynda maska taǵyp júrý mindetteldi, dep habarlaıdy QazAqparat TASS agenttigine silteme jasap.

Jańa oqý jylynda joǵary oqý oryndarynda maska taǵyp júrý mindetti talapqa aınalady, dep málim etti Reseı bilim mınıstrliginiń baspasóz qyzmeti.

«Oqý protsesin uıymdastyrý kezinde jańa koronavırýs ınfektsııasynyń aldyn alý sharalary qatań saqtalady» dep atap ótti vedomstvo basshysy Valerıı Falkov.

Sabaqqa kimder maska taqpaı kele alady? Mınıstrliktiń málimetinshe, aǵzasynda vırýsqa antıdene bary anyqtalǵan stýdentter men oqytýshylarǵa maskasyz júrýge ruqsat etilgen. Olar sony dáleldeıtin anyqtamany usynýy tıis.

Oqytýshylar lektsııa oqyp jatqanda maskasyn sheship qoısa bolady.

Baspasóz qyzmetiniń naqtylaýyna qaraǵanda, stýdentter men oqytýshylardy ýnıversıtet ákimshiligi maskamen qamtamasyz etýge mindetti.