Reseıde joǵalyp ketken tikushaq tabyldy
IRKÝTSK. QazAqparat - Qutqarýshylar jeksenbi kúni Irkýtsk oblysynda joǵalyp ketken Mı-8 tikushaǵyn tapty, dep habarlaıdy TASS agenttigi óńirlik izdestirý jáne qutqarý ortalyǵyna silteme jasap.
«Tikushaqty Máskeý ýaqyty boıynsha saǵat 06:03-te taptyq. Oqıǵa ornyna quqarýshylar attandy», - dedi agenttikke suhbat berýshi.
Onyń aıtýynsha, tikushaq tóńirekti aralap ushyp júrgen «Angara» áýe kompanııasynyń bortynan tabylǵan.
«Basqa eshqandaı maǵlumat joq», - dedi ortalyq ókili.
Jeksenbi kúni áýefototúsirilim jasaýǵa attanǵan «Angara» áýe kompanııasynyń Mı-8 tikushaǵy baılanystan ajyrap, radardan joǵalyp ketken. Áýe kemesiniń bortynda kompanııanyń úsh qyzmetkeri boldy.
Jeksenbi kúni tikushaqty izdestirýge Irkýtsk oblysynyń Kırensk qalasynan Mı-8 jáne Irkýtsk oblysynan An-26 tikushaqtary attandy. Kún batqannan keıin izdestirý sharalary ýaqytsha toqtatyldy. Buǵan deıin dúısenbi kúni tańerteń izdestirý aımaǵyn tuman basyp, avıatsııa ókilderi jumysty jalǵastyrý úshin aýa raıynyń jaqsarýyn kútkeni habarlanǵan edi.
Dúısenbi kúni izdestirý sharalary qaıta jalǵasyn tapty. Oǵan barlyǵy 40 adam qatysty.
Buǵan deıin biz Reseıde tikushaq joǵalyp ketkeni jóninde habarlaǵan bolatynbyz.
