Reseıde joǵalyp ketken AN-26 ushaǵynyń synyqtary tabyldy
HABAROVSK. TASS-QazAqparat – Reseıdiń Habarovsk aımaǵynda joǵalyp ketken AN-26 ushaǵynyń synyqtary tabyldy, dep habarlaıdy QazAqparat TASS agenttigine silteme jasap.
«Ushaq synyqtary izdeý jumystary júrgizilip jatqan jerden tabyldy», - dedi agenttik.
Habarovsk ólkesiniń «Zapovednoe Prıamýre» memlekettik tabıǵı qoryqtary men ulttyq saıabaqtarynyń birikken dırektsııasy TASS-qa An-26 synyqtarynyń tabylǵany týraly aqparatty rastady.
«Ushaqtyń qulaǵan jeri tabyldy. Ol –Korfovskıı kentiniń aýdanynda - dedi dırektsııa. Dırektsııa joǵalyp ketken An-26 ushaǵynyń Bolshehehtsırskıı qoryǵynda «joldan 3 km qashyqtyqta Korfovskıı aýdanyndaǵy taýdyń eteginde» qulaǵanyn naqtylady.
Qazirgi ýaqytta sol jerge barý máseleleri sheshilýde. Ushaq TJM tikushaǵymen aınalyp ushý kezinde tabyldy, bortta qoryq dırektsııasynyń qyzmetkerleri bolǵan.
Bolshehehtsırskıı qoryqshasy Habarovsk aımaǵynan ońtústikke qaraı 15-20 km jerde, Úlken Hehtsır jotasynyń sheginde ornalasqan. Onyń aýdany – 45 myń ga. Korfovskıı eldi mekeniniń ákimshiligi Habarovskiden ońtústikke qaraı 12 km jerde, Úlken Hehtsır men Kishi Hehtsır jotalary arasyndaǵy oıpatta qajet bolǵan jaǵdaıda eriktilerdi jumyldyrýǵa jáne qajetti qural-jabdyqtarmen qamtamasyz etýge daıyn ekendikterin aıtty. Ákimshilik qyzmetkerleri tótenshe jaǵdaıdyń kýágerlerin tabý úshin adamdar arasynda suraý júrgizdi, biraq kýágerler bolmaǵan.
