Reseıde JI-di qoldaný erejeleri ázirlenedi
MÁSKEÝ. KAZINFORM — Reseıde jasandy ıntellekt (JI) júıelerimen ózara árekettesý erejeleriniń tizbesi ázirlenedi. Bul Reseı úkimeti bekitken azamattardyń tsıfrlyq saýattylyq deńgeıin arttyrý tujyrymdamasynan belgili boldy, dep habarlaıdy agenttik tilshisi reseılik BAQ-qa silteme jasap.
Qujat azamattardyń tsıfrlyq tehnologııalardy kúndelikti jáne kásibı qyzmette qaýipsiz ári tıimdi paıdalaný daǵdylaryn qalyptastyrýǵa baǵyttalǵan.
Qujatta tujyrymdama maqsattaryna qol jetkizý úshin birqatar mindetti sheshý qajet ekeni aıtylǵan. Olardyń qatarynda JI júıelerimen ózara árekettesý jónindegi arnaıy erejeler tizbesin ázirleý bar.
Atap aıtqanda, erejeler kontentti dıpfeık belgileriniń bar-joǵyna tekserý ádisterin, sondaı-aq bıometrııalyq jáne basqa da derbes derekterdi mashınalyq oqytý algorıtmderine berý kezinde táýekelderdi barynsha azaıtý sharalaryn qamtıdy.
Buǵan deıin Qytaıda JI-di teris paıdalanǵany úshin jaýapkershilik engizilgeni týraly jazǵan bolatynbyz.
Qytaı alǵash ret JI salasyndaǵy sot daýlaryn qaraý erejelerin bekitti.
