Reseıde jeńil motorly ushaq Edil ózenine qulady
RESEI. QazAqparat - Jeńil motorly ushaq Edil ózenine qulap, eki adam qaza tapty, dep habarlaıdy QazAqparat TASS agenttigine silteme jasap.
27 qyrkúıek kúni Reseıdiń Nıjegorod oblysy Kstovskıı aýdany Mıhalchıkovo aýylyna jaqyn mańda jeńil motorly ushaq ózenge qulap ketti. Bul jaıynda Edilboıy kólik prokýratýrasynyń saıtynda habarlandy.
«Máskeý ýaqytymen saǵat 14:40 shamasynda Edil ózenine ushaq qulaǵany jaıly habar keldi. Oqıǵa ornyna Nıjegorod kólik prokýrory bardy. Edilboıy kólik prokýrorynyń tapsyrmasymen áýe keńistigin paıdalaný zańdylyǵyn jáne ushý qaýipsizdigin tekserý bastaldy» delingen habarlamada.
Reseı tótenshe jaǵdaılar mınıstrliginiń málimetinshe, eki adam kóz jumǵan.
«Qazir áýe kemesin jaǵalaýǵa jetkizý jumysy júrip jatyr. Ushaqtyń ushýyna ruqsat berilmegen. Ushqysh ushaqty durys basqara almaı, Edil akvatorııasyna qulap ketken» deıdi mınıstrlikten.
