Reseıde jeke ushaq apatqa ushyrap, 10 adam qaza tapty

MÁSKEÝ. QazAqparat - Tver oblysynda Embraer bıznes-djet ushaǵy apatqa ushyrap, borttaǵylardyń bári qaza tapty. Bul týraly TASS agenttigine Reseı Tótenshe jaǵdaılar mınıstrliginiń baspasóz qyzmeti málim etti, dep habarlaıdy QazAqparat.

«Embraer ushaǵy Sheremetevodan Sankt-Peterbýrgke ushyp bara jatqan. Bortta úsh ushqysh pen jeti jolaýshy bolǵan. Olardyń barlyǵy qaıtys boldy», - delingen habarlamada.

Oqıǵa Kýjenkıno aýylynyń mańynda bolǵan.

Tótenshe jaǵdaılar qyzmeti TASS agenttigine tórt adamnyń máıiti tabylǵanyn habarlady. Sondaı-aq ushaq jerge soǵylǵanda janyp ketkenin, onyń ushqanyna jarty saǵattan az ýaqyt bolǵany aıtyldy.

Bologovsk aýdanynyń biryńǵaı kezekshilik-dıspetcherlik qyzmetiniń málimetinshe, tótenshe jaǵdaıdan zardap shekkender týraly aqparat túsken joq.

«Jol apaty M-10 tas jolynan alys emes jerde, Kýjenkıno aýylyndaǵy qaraýsyz qalǵan fermadan eki shaqyrym jerde boldy», - dep qosty agenttikten.

Áýe kóligi federaldyq agenttigi apatqa qatysty tergeýdi bastady.