Reseıde jasy júzden asqan bes zeınetker áli kúnge jumys istep júr
ASTANA. QazAqparat - Reseı zeınetaqy qorynda (RZQ) qazirgi tańda jasy júzden asatyn jumys isteıtin bes zeınetker týraly aqparat bar. Bul týraly TASS RZQ baspasóz qyzmetine silteme jasap habarlady.
«Bizde bes adam bar. Biz olardy jumys berýshiniń tólegen saqtandyrý jarnalary boıynsha jeke esep júıesi arqyly kórip otyrmyz. Olardyń kóbi Máskeýde jáne Máskeý oblysynda, bireýi - Krasnodar ólkesinde turady», - dedi agenttiktiń derekkózi.
Jalpy, RZQ deregi boıynsha, elde jasy 100-den asatyn 16 myńnan astam reseılik ómir súrýde.
